09.07.2020

ESC ვაკანსია პოლონეთში

პროექტი ECO Roots

ცხადდება კონკურსი ევროკომისიის მიერ დაფინანსებული ევროპის სოლიდარობის კორპუსის პროექტ  ECO Roots-ის მონაწილეთა შესარჩევად.

​

შერჩეული მონაწილეები ცხრა თვით გაემგზავრებიან პოლონეთის ქ. ვროცლავში. ისინი მოხალისეობრივ საფუძველზე ჩაერთვებიან ორგანიზაცია Omniveda Foundation-ის საზოგადოებრივ საქმიანობაში ეკოლოგიური ცნობიერების და გარემოსდაცვითი განათლების მიმართულებით. 

​

აღნიშნული პროექტის ფარგლებში მონაწილეები განახორციელებენ შემდეგ საქმიანობას:

​

• სასკოლო ეკო კლუბების გაძღოლა;

• ეკო-ბუკლეტის შემუშავება;

• ხანდაზმულთა კლუბისთვის თეატრალური დადგმის ორგანიზება;

• საკუთარი საპროექტო იდეის შემუშავება და განხორციელება;

• საქართველოს ისტორიისა და კულტურის პოპულარიცაზია;

• საქართველოში დაბრუნების შემდეგ მინი პროექტის განხორციელება.

​

​

შერჩევის კრიტერიუმები:

​

• კანდიდატი უნდა იყოს 18 – 30 წლის პროექტის დაწყების პერიოდისთვის;

• მაღალი მოტივაცია ეკოლოგიისა და გარემოსდაცვითი საქმიანობის მოხალისეობრივად განხორციელების მიმართულებით;

• ინგლისურ ენაზე კომუნიკაციის უნარი;

• კომუნიკაბელურობა, ინიციატიურობა და პასუხისმგებლობის მაღალი გრძნობა;

• პრეზენტაციის უნარები.

​

​

მონაწილეობის პირობები:

​

• მონაწილეებს აუნაზღაურდებათ პროექტით განსაზღვრული ყველა ხარჯი (ვიზა, ტრანსპორტირება, საცხოვრებელი ფართი, საკვები, დაზღვევა და ჯიბის ფული);

• შერჩეული მონაწილეები ვალდებული არიან ჩაერთონ პროექტისთვის მოსამზადებელ აქტივობებში, როგორიცაა საორიენტაციო ტრენინგი და ვიზის მოპოვების პროცედურები.

​

​

შერჩევის პროცესი მოიცავს შემდეგ საფეხურებს:

​

• აპლიკაციის შევსება 31 ივლისამდე ინგლისურ ენაზე შემდეგ ბმულზე: www.rb.gy/zdwwmx;

• ონლაინ გასაუბრება მეორე ეტაპზე გადასულ კანდიდატებთან;

• პრეზენტაციის მომზადება და წარდგენა ინტერნეტ პლატფორმის გამოყენებით.

​

შეკითხვების შემთხვევაში შეგიძლიათ მოიწეროთ შემდეგ ელექტრონულ მისამართზე:

​

​

​

​

ორგანიზაცია იტოვებს უფლებას გადაავადოს პროექტის დაწყების თარიღი, Covid 19-ით გამოწვეული რისკების არიდების მიზნით.